Seizoen 2010-2011
> 9 juli 2011 Slotconcert "Missa Brevis"
> 12 juni 2011 Pinksterdienst Poptaslot
> 10 juni 2011 Afsluiting schoolproject
> 4 juni 2011: Eurobrass Drachten 2011
> 30 april 2011: 30 april 2011: Rommelmarkt
> 16 april 2011: Rabo Jeugdfestival
> 12 maart 2011: Concours Surhuisterveen
> 12 februari 2011: Federatie Festival Menameradiel
> 27 november 2010: Rollade Try out
> 15,16 en 17 oktober 2010: Studieweekend
> 31 augustus 2010: 1e repetitie, bezetting
Seizoen 2010-2011
De nieuwsvoorziening in de plaatselijke dorpskrant "Doarp en Sport" wordt verzorgd door Els. De teksten ("Nijs fan Brassband Looft den Heer") die ze daarvoor (in het Fries) schrijft zijn hier ook te vinden.
> Nijs fan Brassband Looft den Heer (juli 2011)
> Nijs fan Brassband Looft den Heer (juni 2011)
> Nijs fan Brassband Looft den Heer (april 2011)
> Nijs fan Brassband Looft den Heer (maart 2011)
> Nijs fan Brassband Looft den Heer (januari 2011)
> Nijs fan Brassband Looft den Heer (november 2010)
> Nijs fan Brassband Looft den Heer (oktober 2010)
|
|
|
|
||
|
|
||
|
||
|
|
||
|
|
||
|
|
||
|
|
||
|
||
|
|
||
|
||
|
|
||
|
|
||
.jpg)
.jpg)
|
Fan Els
|
|
Nijs fan Brassband Looft den Heer (oktober 2010)
In protte nijs is der net dizze kear, mar dizze rubryk falt ûnder sosjale kontakten en sokke kontakten moat men wol goed ûnderhâlde! Fandêr. Fol goeie moed binne wy mei syn allen wer oan it nije seizoen begûn. Hjir en der ha wy wat oan stuolledûns dien en Hinke de Groot en Rutger Mollema ha no ek in eigen stoel yn it grutte korps. Fijn dat eigen jeugd trochstreamt nei de A-‘s. Want minsken wat giet it goed mei de jeugd. Al in tal jierren levert it skoalprojekt nije learlingen op en wy binne der wol hiel wiis mei dat dizze jonges en famkes har ynsette om ek it jeugdkorps goed draaie te litten. It is in tige goeie learskoalle om yn dat jeugdkorps alle fasetten fan it mei-elkoar spyljen oan de oarder komme litte te kinnen. Dit jier wie de opbringst oan nije learlingen fia it skoalprojekt sa grut, dat meester Gatse mei dizze groep útein set. ( de oare bern ha les fan meester Paulus.) Meester Gatse woe mei dizze groep ek mei in nij konsept wurkje. Fan begin ôf spylje de bern in part fan de lestiid mei-elkoar. De iene helte fan de groep hat earst les, dan komt de oare helte derby en blaze sy allegear tagelyk yn de “Samenspeelklas” en dernei hat de twadde helte fan de bern noch les. In miks dus fan les yn in lytser groepke en fan mei-elkoar muzyk meitsje, ynklusyf de slachwurkers. Foar de fakânsje binne der ek noch in stik as wat muzikanten west dy’t eksamen dien hawwe. Foar diploma A binne slagge Sygrid Reitsma en Rutger Mollema op cornet en Wietse Hoekstra en Eelke Zwalua op slachwurk en Gert Mollema ek op slachwurk, mar dan foar it B diploma. Mids oktober gean wy op stúdzjewykein. Dat is alwer foar de NBK (kampioenskip fan Nederlân) op 3 en 4 desimber en in groepke muzikanten sil begin oktober yn Ljouwert mei in Maria beeld muzikaal op stap. Fierder binne wy drok dwaande om wer nij rippertwaar yn de grûnferve te setten. Sa wie der gjin nijs en is it dôchs in stikje wurden. Els.
|
|
|
|
Nijs fan Brassband Looft den Heer (november 2010)
Miskyn ha jim it al sjoen op de side ( www.brassbandlooftdenheer.nl) , mar it wykein fan 15, 16 en 17 oktober binne wy mei de hele ploech nei Bakkefean west. Der hiene wy stúdzjewykein foar it NBK ( Nederlânsk Brassband Kampioenskip) . Dat NBK fynt plak op 3 desimber yn de Martini Plaza yn Grins. Elk jier wer moat der hurd foar wurke wurde, want dat NBK is foar in brassband “the place to be!” Mar sa ‘t jim wol sjen kinne op de foto’s is der net allinnich mar op it ferplichte stik studearre, mar is de teambuilding ek rom oan bod kommen. Sneontemiddeis waard der sels yn trije groepen oefene. De cornets mei Paulus de Jong, it grut koper mei ús foarige dirigint Jochem Hoekstra en de slachwurkers mei slachwurkspesjalist Roel Jan...... (ik bin de namme efkes kwyt). Wêr wy dan sa hurd op studearje? No, op it stik Rembrandt , skreaun troch Rodney Newton en ek noch spesjaal foar dit NBK. Moaie muzyk nei oanlieding fan 4 skilderijen fan de skilder Rembrandt. In Selsportret, Stoarm op de mar fan Galilea, Saskia ( Rembrandt syn frou) en de Militêre Kompagnie fan kaptein Frans Banning Cocq, by ús better bekend as de Nachtwacht. Jim kinne fansels nei Grins gean om dit stik te belústerjen, mar hjir ticht by hûs kin dat ek! Op sneon 27 novimber spilet Looft den Heer dizze muzyk yn de PKN tsjerke fan Bitgummole. Op dy jûn kinne jim ek bands út de oare divyzjes belústerje. Blaast de Bazuin -Alde en Nije Bildtdyk (4) , Apollo –Grou (3), De Bazuin-B –Oentsjerk(2), Pro Rege – ‘t Fean (1) en De Bazuin-A – Oentsjerk (kampioensdiv.) Dizze Try-out begint om 19.30 oere en de tagong is fergees. By it útgean sille jim wol immen mei in ponkje op jim paad fine, mar elk is frij om te jaan as net te jaan. Wat Looft den Heer dy jûn fuort jout binne hearlike rolladen foar de diriginten en derom praat men ek wol fan de Rollade Try-out!In wike earder sille wy it ek al ris besykje yn Ferwert op de Try-out organisearre troch Soli Deo Gloria fan Blije. En dan op nei de Kryst, al kinne wy jim dit jier net wer sa’n boppeslach biede as mei it Krystliet fan foarich jier. Ek sûnder al dat spektakel kinne wy ferwûndere spylje en tinke oer it boadskip fan it jier 0. Mar dat moat noch efkes wachtsje op de twadde helte fan de desimbermoanne. Earst alle oare festinen mar en foaral komme op de 27-e novimber! Els. |
|
|
|
Nijs fan Brassband Looft den Heer (januari 2011)
Beste lêzers fan dit stikje: Brassband Looft den Heer winsket jim in fleurich, sûn en muzikaal 2011 ta. Spesjaal by dizze tiid fan it jier heart it om efkes werom te sjen, mar ek foarút te blikken nei it kommende jier. Efkes werom betsjut foar Looft den Heer fansels efkes neibuorkje oer it NBK. In tredde plak wie der dizze kear weilein foar ús. En sa’n tredde plak jout altyd wat betizing. Bliid mei dit plak, want dat betsjut krekt as mei it fuotbal it linker rijtsje. Mar altyd sit der ek wat fan teloarstelling yn omdat elk fansels it leafst winne wol. Yn de muzykboade dy ‘t in protte korpsen krije en lêze wurdt sein dat it proses op wei nei sa’n evenemint it learsaamst is om ta sa’n resultaat te kommen. Moai dat ús doarpen sa’n klup fanatikelingen hat, dy ‘t net allinnich hurd wurkje foar in konkoers, mar ek krekt as foarige kryst geweldige konserten fersoargje kinne! Fierder efkes werom sjen mei de jeugd. Op 11 desimber wie der in jeugdfestival fan de federaasje en fansels binne wy ek hyl wiis mei de bern dy’t nei it skoalprojekt troch gien binne ûnder lieding fan meester Gatse. Hy hat de bern prima tarieden op trije optredens op skoalle. Earst yn oktober mei de jierdeis fan de meesters en juffen, doe in optreden foar Sinteklaas en in sfearfol muzyk meitsjen mei it krystfeest fan Mooitaki yn de tsjerke fan Bitgummole. Minder sichtber binne de muzyklessen fan meester Paulus, Gatse en Reimer Jan. Destemear is het resultaat derfan te merken op de repetysjes fan A-, B-, en C-korps!
Dan no mar efkes in blik foarút. Op 12 febrewaris is der in federaasjefestival, hjir yn Bitgummole. Fia oare bronnen sille jim der noch wol fan hearre. Yntusken binne wy dan ek al wer dwaande mei in konkoers, want om oan it NBK mei dwaan te meien, moat in korps ek sa no en dan oan in gewoan bûnskonkoers meidwaan. Foar ús sil dat yn maart heve. Neist dy konkoerswurken spylje wy dan ek al stikken dy ‘t wy útsocht ha foar it maaitiidskonsert. Dizze kear is it wer in konsert mei in tema, mei net allinnich moaie muzyk om nei te lústerjen mar by Looft den Heer binne der ek altyd dingen om nei te sjen! Alderhande kommisjes binne al wer dwaande om op ferrassende wize muzyk, oanklaaiïng en alle muzikanten fan de feriening tot harren rjocht komme te litten. En dat alles ta jimme fermaak! No al fêst op jim nije kalinder sette dus: Sneon 9 april Maaitiidskonsert Looft den Heer. At ik no troch it rút nei bûten sjoch is alles wyt en kâld, mar yn de planning giet it ek al wer oer rommelmerk, geraniums, doarpsfeest en mear sokke dingen. Looft den Heer fielt him altyd stipe troch de mienskip fan de doarpen. Wy binne dêr o sa wiis mei en hoopje dat ek yn 2011 wy jimme en jimme ús wer ter wille wêze kinne. Ik einigje mar mei itselde wêr’t ik mei begûn bin: De alderbêste winsken en in fleurich, sûn en muzikaal nijjier. Els. |
|
|
|
Nijs fan Brassband Looft den Heer (maart 2011)
De snieklokjes bloeie en de sinne skynt. Desondanks is it glûpende kâld en sil it fannacht wer aardich frieze. Wy blaze ús waarm mei nije muzyk foar it maaitiidskonsert. It tema fan dat konsert sil wêze: Radio en TV (en alles wat dêr mei gearhinget). Dit tema noeget fansels út om net allinnich fan alles hearre te litten, mar om ek bylden derby sjen te litten. Lit jim ferrasse en kom op 9 april nei de tsjerke fan Bitgummole. Ek ús jeugd wolle wy graach in plakje jaan yn dit muzikaal barren. Foar ús is dit it donateurskonsert mar minsken dy dat net binne, binne fansels ek wolkom en is dit miskyn it momint om dat no noch te wurden. Hoe dan ek, jim binne allegear fan herte wolkom! Foardat dit allegear heve kin, moatte wy earst noch op 12 maart nei Surhústerfean om mei te dwaan oan it Bûnskonkoers. Ien kear yn de safolle jier moat in korps op sa’n konkoers meidwaan om pleatst te bliuwen foar it NBK yn desimber yn de Martini Plaza yn Grins en ek al is dat in drok en stresfol evenemint foar in brassband, jo moatte der dôchs wol bywêze. Dêrom yn maart earst nei it konkoers. Wy spylje dan it stik Rembrandt noch in kear, oer it libben fan de skilder. It twadde stik is in hyl oar ferhaal. Partita fan Edward Gregson mei in haadrol foar ritmyk, mar ek meloadyske linen dy wer wat rêst jouwe foar it ear. Yn april is der ek in solistekonkoers fan de federaasje fan de gemeente Menameradiel, mar dat is yn Marsum. In grut part fan ús learlingen sil dêr oan meidwaan. En fansels is april foar ús ek de moanne fan de Rommelmerk. Binne jo oanstutsen troch it moaie waar en fleane jo as in tornado troch it hûs, ferjit dan net dat ark wêr’t jo jo sin ôf ha foar in oar in kompleet nije ûntdekking wêze kin. Yn april komme wy wol del om it oerstallige spul by jo wei te heljen. Wannear dat krekt wêze sil hearre jo yn it aprilnûmer fan Doarp en Sport. En betink ek dat it noch fierstentebetiid is foar it spul yn de tún! Pas nei de iishilligen binne jo nije oankeapen feilich foar de froast. Yn de earste wike fan maaie komme wy mei de geraniums del en sa’t jo witte giet ús service oan it oanrjocht ta! Samar wer en bliuw ús folgjen yn Doarp en Sport as op ús website. Els
|
|
|
|
Nijs fan Brassband Looft den Heer (april 2011)
Joepie de poepie! 86.42 punten en dat is in earste priis mei promoasje! It resultaat fan Looft den Heer op it konkoers fan Surhústerfean. Net dat dat betsjut dat wy daliks nei de twadde divyzje ta huppelje, dan moat der noch mear presteard wurde, mar dizze punten jouwe wol oan dat der op nivo spile is. Twa âldleden yn ús fermidden omdat wy op it lêste momint hendikept wienen troch sykte en omdat it wiere libben soms de gekte fan it muzyklibben ynhellet. Ek yn it ferline hat al ris bliken dien dat wy gelokkich in feriening hawwe wêr’t dizze beide dingen njonken mekoar bestean kinne. Goed resultaat dus. Wy wienen dield twads oer de hele dei! Mar fansels binne wy ek al wer drok dwaande mei it kommende konsert. Op 9 april yn de tsjerke fan Bitgummole, om 20.00 oere jûns, sille wy jim ferrasse mei muzyk om it tema Radio en TV hinne. De muzykkommisje mei dirigint Paulus de Jong hat in aardich programma gearstald en ús oanklaaikommisje hat alle war dien om ek yn byld en oare omballingen dit tema foar jim sichtber te meitsjen. De jeugd sil ek in oandiel oan dizze jûn ha en sil binnen dit tema fan harren heare litte. Allegear komme dus. It is foaral ek de jeugd dy op 16 april prestearje moat op it federaasje solistekonkoers yn Marsum. Op les in solo útsocht en dan mar blaze, mei as sûnder piano begelieding. Sukses! De jongste jeugd, fan it foarige skoalprojekt, hat dan al meiwurke oan de muzykmoeting yn Ingelum, op 20 maart en it nije skoalprojekt mei meester Gatse is dan al fan start mei groep 5 op Mooitaki. Dan is it ek al gau wer keninginnedei. Moarns mei Harmonie troch de buorren en dan middeis fansels wer ús onovertroffen ROMMELMERK. Om 13.00 oere gean de doarren iepen oan de Liuwesingel yn Bitgum. Keunst en antyk, boeken, boartersguod, krystballen, meubels, elektrysk, mar fansels ek draaiend rad, by opbod en ús geweldige terras mei in hapke en in drankje. Ha jo noch oanfier foar de rommelmerk dan kinne jo dat noch efkes bewarje. Op sneon 23 april komt de trekker- en wein, as de Rondaanbus , as de Looft den Heer karre troch ús doarpen om it spul op te heljen. Jo sette dúdlik sichtber in krante foar it rút en de minsken fan Looft den Heer helje jo oerstallich ark op. Kinne jo perfoarst net sa lang wachtsje, skilje dan even mei ús rommelmerkspesjalist Libbe Dykstra 2531705. Yn de earste wike fan maaie komme wy dan noch del mei de geraniums. It is hjoed prachtich waar, mar fannacht sil it noch wer frieze. Wachtsje dus noch mar even mei it keapjen fan blomkeguod oan ‘t wy by jim del komme! Op Goed Freed sil in ensemble fan Looft den Heer noch meiwurkje oan de tsjerketsjinst fan dy jûn. Ut namme fan Looft den Heer winskje ik jim in goeie Peaske ta en earst mar oan ‘t sjen op 9 april yn Bitgummole. Els. |
|
|
|
Nijs fan Brassband Looft den Heer (juni 2011)
Soms fiel ik my de Annewil ( út de Libelle) fan Looft den Heer. Al in protte jierren hâld ik jim op de hichte fan it wol en wee fan ús feriening. Oare minsken sille harren yn sokke stikjes beheine oant de feiten en de punten, mar ik rin der hyltiid tsjin oan dat in korps net allinnich de punten fan it konkoers is, mar dat in korps yn it foarste plak in groep minsken is dy mei-elkoar in muzikaal doel neistribje, mar ek derneist noed stean foarmekoar. Gelokkich wurket dat ek sa by Looft den Heer. De freugde diele, mar ek it fertriet dat ús libben binnenstapt. In goed gefoel om diel út te meitsjen fan sa’n feriening. It jim taseine konsert mei toeters en bellen ha wy trochskood nei de hjerst. Dôchs is der noch wol hurd wurke by Looft den Heer. Op 16 april wie der yn Marsum it jierlikse solistekonkoers en jeugdkorpsfestival. Omdat it dat wykein ek klupreiske wie, hat ús C-orkest dêr oan mei dien. De learlingen oerbleaun fan it foarige skoalprojekt spylje ek al mei-elkoar. Wat in weelde om in A-, in B- en in C-korps te hawwen! Fan de solisten sil ik de winners neame, mar der dienen noch folle mear jongelju oan mei. Op de side fan de band : www.brassbandlooftdenheer.nl kinne jim ûnder it kopke nijs en dan Rabofestival op de foto klikke om alle dielnimmende jeugd te sjen. Prizen wiene der foar Femke Smit op cornet, Marije van Zuilen ek op cornet, Suzanne Bayens en Sygrid Mollema beide op althoorn en Wietse Hoekstra op slachwurk. Hjir ek noch ris lokwinske. Mar ek de oaren, geweldich dat jim der stean gean en meidogge! 22 april in ensemble yn Ingelum yn tsjerke op Goed Freed ( se ha sels it oargel noch efkes ferfongen dat der de brui oan joech) , op 30 april moarns op de karre mei Harmonie troch de doarpen en op 28 april mei in protte oare bestjoersleden fan susterferienings út Menameradiel op besite by de gemeenterie, y.f.m. de subsydzjes. De gemeente mei har lokkich priizgje hoe ‘it muzykûnderwiis regele is yn Menameradiel, mar wy meie ek wiis wêze mei it gemeentebelied oant no ta. En doe wie it keninginnedei 13.00 oere! De doarren fan de loads fan Tsjisse Brouwer gean iepen en de minsken streame de loads yn. It bleau de hiele middei gesellich drok en dat wie ek te fernimmen oan de geweldige opbringst fan de dei.( makket it mei mooglik om de jeugd blaze te litten!) Tige tank foar jim kommen, keapjen, oanleverjen, terras sitten en bieden by Libbe. Ek tige tank foar al dy minsken dy’t harren keninginnedei beskikber stelle oan it korps om alles klear te setten en wer te ferkeapjen en moarns de meubels út te laden en op te stellen. Fan sommige minsken is it lyntsje nei Looft den Heer kwaliks mear te achterheljen, mar se stean der wer trou, mei -as sûnder kruk) En tige tank oan Tsjisse dy’t elk jier wer al dy bekende en ûnbekende minsken op syn hiem en yn syn loads ûntfangt. En neidat Omrin echt de lêste rommel meinommen hat, is de loads wer opromme en oanfage en begint Libbe hast wer te garjen foar it oare jier. Grutsk op ús korps en de mienskip dy’t ús geande hâldt! Geraniums, doarpsfeest en Anjerfûns, de Try-out mei Soli Brass foar Eurobrass mar mei grutte stappen troch hinne, want dat is ek al west at jim dit lêze. Op 4 juny yn de Lawei yn Drachten sille wy wer fan ús hearre litte! Elegy 1 fan Jacob de Haan, it ferplichte stik Salute to a Hero fan Philip Sparke en de es cornet solo On with the Motley yn in arranzjemint fan Ray Farr sille ús muzikaal hichtepunt wêze en miskyn de boarne foar in sek fol punten. Oan ús solist Anne Groothof sil it net lizze en ek de oare muzikanten en de dirigint Paulus gean der wer plat foar. Moaie muzyk en in aardich evenemint. Mei Pinkster in tsjinst by it Poptaslot en op 2 july docht de jeugd mei oan in jeugdkorpsfestival. De datum dy’t jim perfoarst frij hâlde moatte is 9 july. Op dy jûn sil it slotkonsert plak fine fan kristlik sjongkoar Halleluja út Bitgummole en brassband Looft den Heer. Elk sil in eigen blokje muzyk hearre litte, mar it hichtepunt is sûnder mis it mienskiplik útfieren fan de Missa Brevis fan Jacob de Haan. It koar hat om yn balâns te bliuwen mei it korps gastsjongers útnoege om dit stik te sjongen en minsken, dit is echt in oanrieder.! Sa. No bin jim wer hielendal op de hichte fan it krewearjen fan de brassband. Oant sjen op 9 july as by de oare gelegenheden yn ús doarpen. Els
|
|
|
|
Nijs fan Brassband Looft den Heer (juli 2011) It gong mar bêst op Eurobrass! Fansels wol elk it leafste winne, mar dit twadde plak binne wy ek wiis mei. Elke band út ús divyzje moast ek in ferplicht stik spylje en de sjuery fûn dat wy dat it aldermoaiste blaasd hienen. Dat levere ús foar in moai poepke muzykbonnen op en it twadde plak waard beleane mei in moaie bariton! Jim ha it program al hearre kind op Omrop Fryslân yn Muzykmaskelyn en op de site fan de Omrop is it ek noch werom te hearren. En doe wie de jeugd oan bod. Meester Gatse presintearre de jeugd fan it skoalprojekt tegearre mei it jeugdorkest. It is in merakel wat groep 5 fan Mooitaki yn sa’n skoftke kin op dy toeters, om mar net de praten fan de groep fan foarich jier dy’t manmachtich troch gien is mei it blazen. En it jeugdorkest dat as betûfte begelieders en oanjagers fungearre! Petsje ôf foar ús jeugd. No noch 9 july. Ha jim de datum al notearre? It grutte projekt mei it sjongkoar Halleluja en harren gastsjongers ! Yn Marsum by it Poptaslot op Pinkstersnein ha jim miskyn al in foarpriuwke hân fan Looft den Heer sûnder it koar, mar op 9 july folget it “Grutte Barren” mei de útfiering fan de Missa Brevis fan koar en korps. Foar it skoft beide groepen apart en dan dernei alles mei-inoar. Lit it jim net oerkomme dat jim nei-de-tiid hearre fan oaren hoe moai it wie en dat jim dan tinke dêr hie ik hinne moatten. Gewoan komme en derby wêze. Genietsje fan de muzyk en fan de after-party yn de Molewjuk. Oant sjen op 9 july en at jim echt net kinne alfêst in goeie fakânsje tawinske. Els. |
|
|