Seizoen 2008-2009
> 28 juni Try-out concert voor WMC
> juni 2009 Afzeggen van Eurobrass en WMC
> 8 juni 2009 Bericht van overlijden Fokke Westra
> 7 juni 2009 Familie dienst met Jeugdkorps
> 31 mei 2009 Pinksterdienst Poptaslot
> 8 mei 2009 Trouwerij van Ytzen Jenne en Corrie
> 30 april 2009 Optocht en rommelmarkt
> 18 april 2009 Voorjaarsconcert
> 28 november 2008: Nationale Brassband Kampioenschappen
> 27 oktober 2008: Eindexamen HaFaBra directie van Paulus
> 18 oktober 2008: Herfstconcert
> 19 augustus 2008: 1e repetitie, bezetting
Seizoen 2008-2009
De nieuwsvoorziening in de plaatselijke dorpskrant "Doarp en Sport" wordt verzorgd door Els. De teksten ("Nijs fan Brassband Looft den Heer") die ze daarvoor (in het Fries) schrijft zijn hier ook te vinden.
> Nijs fan Brassband Looft den Heer (juni 2009)
> Nijs fan Brassband Looft den Heer (april 2009)
> Nijs fan Brassband Looft den Heer (februari 2009)
> Nijs fan Brassband Looft den Heer (november 2008)
> Nijs fan Brassband Looft den Heer (oktober 2008)
> Nijs fan Brassband Looft den Heer (september 2008)
|
|
|
|
||||
|
|
||||
|
||||
|
|
||||
|
||||
|
|
||||
|
||||
|
|
||||
|
|
||||
|
|
||||
|
|
||||
|
||||
|
|
||||
|
juni 2009 Afzeggen van Eurobrass en WMC Door het overlijden van Fokke Westra heeft het bestuur in goed overleg met de leden van brassband Looft den Heer besloten om de geplande optredens op Eurobrass in Drachten en op het Wereld Muziek Concours (WMC) in Kerkrade af te zeggen. |
||||
|
|
||||
|
||||
|
|
||||
|
||||
|
|
||||
|
|
||||
|
|
|
Fan Els
|
|
Nijs fan Brassband Looft den Heer (september 2008) Sa, de earste rippetysje sit der wer op. Nei in drok, mar ek in tige slagge seizoen hat elk syn, as har toeter en dus ek him-, as harsels in skoftke rêst gund. (in inkeling hat miskyn fanatyk trochblaasd, mar foar sokken is het spyljen itselde as genietsje fan de fakânsje fierôf as tichteby).Mar no dus wer los! Dôchs wol ik noch efkes mei jim werom sjen op dy moaie dei yn juny. Wylst de iene helt fan de altseksje stiet te wachtsjen op ferfier nei Easterbierum om de Slachte te rinnen, sit de rest fan dy seksje mei alle oare leden fan Looft den Heer yn spanning hokker plak de lotting foar Eurobrass opsmite sil. Rianne en Esther sille meiblaze foar Els en Trienke yn ‘t plak. Fanôf de Pinkster dogge sy al mei. No, dizze lotting is min nei ‘t sin! Looft den Heer moat as earste it poadium op. De measte bands binne dêr net wiis mei om as earste te blazen. It hat Looft den Heer neat útmakke want ek de útslach fan de sjuery jout in earst plak oan. Krekt as foarich jier wint de band yn de C-groep. It grutte wurk en de mars binne moai spile, mar foaral it wurk “For always” mei as solisten Bauke Dykstra en Welmoed Veening-Kemker rekke elk yn ‘t (muzikale) hert. Boppedat krige ús es-kornettist de priis foar de meast ymponearjende es-kornettist fan de C-groep. Dy dei koe net mear stikken fansels. Twa kear opfolgjend winne is in royale opstekker foar band en dirigint Paulus de Jong. De priis fan 2007 moat noch fersulvere wurde en dat sil heve op 18 oktober oansteande. Dy priis bestiet út in optreden mei in solist. No ha dy minsken it altyd tige drok en derom yn oktober 2008 de priis fan 2007. De trompetist Frits Damrow sil meiwurkje oan ús hjerstkonsert .It programma stiet yn grutte lijnen al fêst en mear ynformaasje yn Doarp en Sport fan oktober. Hâld de jûn mar frij!! Fierder binne der in tal enthousiaste bern oerbleaun fan it Okkieprojekt. Fenna Hoekstra, Marije van Zuilen, Femke Smit en AnneWil Bakker wolle wol op les by meester Gatze Hylkema en ek Rutger Mollema ( fan Cees en Tsjikke) komt hjir op les. In moaie ploech jeugd fan de lêste twa jier! Spitegenôch moat Tsjikke Mollema sels ophâlde te blazen.De earm en de fingers wolle net omlyk. Nei safolle muzikale jierren in hiele teloarstelling foar Tsjikke en de band. Gelokkich wol sy it sekretariaat wol dwaan bliuwe. Sa , in bytsje bijpraat nei de fakânsje, ik hoopje dat it der noch yn kin, want sa as elk op syn beurt hie ik nochal wat kompjoeterperikels. Oant sjen op 18 oktober. Els.
|
|
|
|
Nijs fan Brassband Looft den Heer (oktober 2008) In koarte dizze kear. Sa ‚t ik yn Septimber al ferteld ha, binne wy drok oan’t oefenjen foar ùs konsert op 18 oktober.Sawol yn it jier 2007 as yn 2008 hat brassband Looft den Heer de haadpriis wûn yn de C-groep fan Eurobrass. Yn 2007 wie dat ek wol in hiel bysûndere priis! Meastentiids is sa ’n priis in jildbedrach as in “noch te besteden”bon, somtiden in ynstrumint as muzykstik , mar yn 2007 wie de priis in solist. It bedriuw Yamaha sponserde it Eurobrass konkoers en hat tal fan solisten by harren ûnder kontrakt. Looft den Heer mocht in solist útkieze om in konsert mei te dwaan. Us kar foel op FRITS DAMROW, solotrompettist by it Keninklik Konsertgebouw Orkest.Soks is dochs wol hiel spesjaal foar in gewoan (?) doarpskorps út Fryslân!! No ha sokke mannen faaks mear om hannen en derom no pas yn 2008 it “fersulverjen”fan ús priis. Sa ’t jim begripe kinne sil dit sawol foar muzikanten as foar publyk in hiel bysûnder konsert wurde en fansels tige de muoite wurdich! Op 18 oktober om 20.00 oere yn de PKN tsjerke fan Bitgummole binne jim tige wolkom. Undanks dizze ferneamde solist is de tagong fergees, al sille der wol minsken by it útgean mei in ponkje stean. Looft
den Heer is tige wiis mei it groeiend tal learlingen, want wa ’t de
jeugd hat, hat de takomst. Dizze jeugd manifesteart harren ek al
selsstannich en ûnder lieding fan Gatse Hielkema
binne sy as jeugdkorps foarige sneon twads wurden op it
jeugdkorps festival yn Ljouwert! Lokwinske foar dirigint en
jeugdleden. Els. |
|
|
|
Nijs fan Brassband Looft den Heer (november 2008) Wat in geweldige jûn op sneon 18 oktober. De tsjerke sfearfol en “hjerstich” oanklaaid, in protte minsken te lústerjen en enthousiaste minsken op it poadium mei in solist as priis foar it behelle kampioenskip fan Eurobrass. En dan ha wy it noch net iens oer ús eigen solisten en net te ferjitten it yndrukwekkende optreden fan ús junior, Joubrich van der Heide! Spesjaal wie ek it momint dat de jeugdleden der tusken skoden en wy samar mei-elkoar sokke moaie muzyk spilen. ( meester Gatse hie dat fansels wol goed mei harren oefene en wy ha it op in tiisdeitejûn ek rippeteard mei de jeugd) Sy sieten der tusken as dienen sy noait oars , al sei juf Baukje op skoalle dat de muzikantsjes drok fan spanning wienen. Strakke slachwurkers en moaie toantsjes op kornet, bariton en alt! Frits Damrow naam ús mei op bugel, kornet en trompet en wie best te sprekken oer begelieding en klank fan de band. Dit alles tsjin de eftergrûn fan in strak dekor, makke troch Syds, Libbe Trienke en Jetty. En fansels binne wy troch ús dirigint Paulus ta sokke muzikale prestaasjes brocht. Dy muzikale prestaasje wurdt al gau wer fan ús frege. Niks gjin “pas op de plaats” want wy moatte fierder foar it NBK dat der al wer oan stiet te kommen. Wy ha it stik “The dark side of the moon”noch efkes op de planke hân, mar no moatte wy der plat foar, want 28 novimber is it al safier. Looft den Heer spilet op freedtejûn yn de Martini Plaza yn Grins.It is in plezierich stik om nei te lústerjen en dat kinne jim ek yn eigen doarp dwaan. Op sneon 22 novimber ha wy yn de tsjerke fan Bitgummole in Try- Out konsert. Dit konsert stiet al in skoft bekend as de “rollade” try-out, dat hat fansels te krijen mei de tiid dat Libbe foarsitter wie en de drege tiden dy ‘t de diriginten yn dizze perioade trochmeitsje! Bûten Looft den Heer ( 3-e divyzje) binne dy jûn ek te hearren “Halleluja” Menaam (4), “Blaast de Bazuin” Alde en Nije Bildtdyk (4), “Apollo” Grou (3), “de Bazuin B” Oentsjerk(2) en út de kampioensdivyzje “Soli Brass”út Ljouwert. De tagong is fergees mar der is wol in ponkje by ‘t útgean. De jûn begint om 19.30 oere. Sa, jim binne wer efkes op de hichte. Rommel kin fansels it hiele jier troch en ek âld izer. It griist Libbe soms oan wat der yn Stiens fuortsmiten wurd by Omrin. Soks kin by Looft den Heer noch grau jild opsmite, as yn elts gefal in oar noch ta geriif wêze. Ha jim fragen wat dat betreft, Libbe wol jim graach te wurd stean ( 058-2531705) en earst mar oan ‘t sjen op 22 novimber yn Bitgummole PKN 19.30 oere . Els . |
|
|
|
Nijs fan Brassband Looft den Heer (februari 2009) Nei in tige slagge NBK yn desimber yn Grins,( wat liket dat al wer in skoft lyn en ja... wy wienen best wol tefreden mei dat tredde plak, want wy hienen goed blaasd en fan 14 bands tredde wurde is net niks,boppedat fûnen de minsken yn de seal it in prachtige fertolking ) moasten wy al gau wer oerskeakelje op it krystrippertwaar. De sneins foar de kryst ha wy yn Assen yn in Ingelsktalige multykulturele tsjerketsjinst de weareld oan Ingelske christmascarols spile. De raffeltsjes omtrint oan de lippen, mar wol hiel spesjaal om mei te meitsjen. Doe de altyd goed besochte krystSjongjûn yn de tsjerke fan Bitgummole en de jeugd noch op earste krystdei yn de tsjerketsjinst. Drok,drok, drok, mar mei sokke moaie en sfearfolle muzyk in aardige “cooling down” nei al de NBK drokte. En dernei in echte cooling down foar in protte minsken, want mannich muzikant wie op de iisbaan te finen om fan it winterke mei iis te genieten.. De lege plakken op de earste jannewarisrepetysje kamen net troch de riders, mar troch alle sike minsken. Muzyk helpt tsjin in protte dingen, mar de gryp docht wat hy wol! En sa is it jier 2009 samar al wer in moanne op wei! Neffens de regels sil it fêst net mear meie, mar dôchs winskje ik jim noch in goed, in sûn en foaral in muzikaal jier ta. Wy ûnderfine altyd in protte belangstelling út dizze doarpen en sille ek dit jier wer besykje jim it noadige te bieden op muzikaal mêd. It docht ús tige deugd dat sa ‘n protte minsken fernimme litte dat sy wiis mei ús korps binne. It earste evenemint wat op priemmen stiet is it maitiidskonsert, op 18 april, yn de tsjerke fan Bitgummole. Hoe ‘t it der krekt út komt te sjen litte wy noch efkes yn ‘t midden, mar wy ha wat dat betreft al in goeie reputaasje opboud, it komt wol goed en hâldt de datum mar fêst frij. Fierder is der fansels de keninginnedeidrokte. Moarns sil it nei it opheffen fan de drumband wol op de karre wurde en middeis fansels ús net te oertreffen bjusterbaarlik gesellige ROMMELMERK. Wa ‘t wat kwyt wol kin altyd kontakt opnimme mei Libbe ( 2531705) en meidielings folgje noch. Dan de geraniums der efteroan. Dit jier wer sa as jim it foarhinne wend wienen. Sútelje troch de doarpen dus. Twa kear achtermekoar Eurobrass winne, freget om noch in tredde poging yn juny 2009 en wy fine it ek wol heel spesjaal om jim witte te litten dat wy wol graach oan it “Wereld Muziek Concours” yn Kerkrade mei dwaan wolle. Dat evenemint fynt mar ien kear yn de fjouwer jier plak en dizze kear wolle wy der by wêze. At dat ek echt oangiet witte wy noch net, want it liket hast wol in sollicitaasjeprosedure om mei dwaan te kinnen. Sy wolle alles fan ús witte: wat wy oant no ta spile ha, wat wy oant no ta wûn ha, wa ‘t dat spile ha, wa ‘t noch spylje sille, wa’t foar ús korps stiet, wat wy fan doel binne te spyljen en leafst meardere stikken wer ‘t sy dan út kieze wolle, at wy al ris wat op CD setten ha en hoe at dat dan wol net klinkt en noch folle mear. Yn de folgjende Doarp en Sport hoopje ik fertelle te kinnen hoe’t it komt op 10 en 11 july. At wy meidogge dan wolle wy dy muzyk fansels ek oan jim hearre litte en komt der seker in Try-Out yn ús eigen doarp. Folop plannen dus en dan ha ik it noch net iens oer de jeugd hân, dy ‘t in foarspylûn ha sil en oan in jeugfkorpsfestifal meidwaan sil en ek oan it solistekonkoers en jeugdkorpskonkoers fan de eigen federaasje fan Menameradiel en groep 5 fan Mooitaki docht wer oan it Okkiprojekt mei en alle learlingen blaze omraak op les en elke wike op it jeugdkorps. Samar in protte aktiviteiten fan in protte aktive bern yn ien sin proppe!! H`e, h`e..Dat binne in hiele protte noatsjes dus. Sa earst mar wer en oan ‘t in oare kear. Els. |
|
|
|
Nijs fan Brassband Looft den Heer (april 2009) Minsken minsken wat fljocht de tiid. Giet dit stikje al wer oer keninginnedei en de rommelmerk! Mar earst wurdt it noch 18 april. Wat der dan te rêden is? No dan ha wy ús maitiidskonsert, hjir yn Bitgummole yn de tsjerke. Wy binne al drok dwaande om dêr ek dit jier wer wat bysûnders fan te meitsjen. Foar it skoft in bytsje in tradisjoneel programma, mei û.o. it stik dat wy op it WMC ( Wereld Muziek Concours ) yn Kerkrade hope te blazen. Yn it foarige stikje fertelde ik jim al dat it tige dreech kealle om dêr oan mei dwaan te meien. No, wy binne troch de seleksje en ha Lake of the Moon al op de lessenaar. Yn april stiet it noch wat yn de grûnferve, mar sels dan is te hearen dat it prachtige muzyk is. Op ús maitiidskonsert is fansels ek ús jeugd te hearren en nei it skoft wolle wy jim ferrasse mei in soarte fan “Bigband Looft den Heer”. Wy besykje jim hearre te litten dat it op de klaai ek wol swinge wol .Eigen solisten en fansels it each wol ek wat! Mar dêr ferklap ik noch neat fan. Kom mar om mei eigen each en ear waar te nimmen. 18 april, 20.00 oere yn de PKN-tsjerke yn Bitgummole. Dan op 30 april earst mei Harmonie troch de buorren en dan middeis om 13.00 oere giet it wer oan yn de loads fan Tsjisse Brouwer oan de Liuwesingel. Kunst en Kitsch, draaiend rad, ferkeap by opbod wer ‘t de meast ûnferwachte dingen troch de hannen gean sille by ús feilingsmaster Libbe Dykstra . It bjusterbaarlike terras fan Looft den Heer sprekt hast foar himsels, krekt as de spektakulêre meubelferkeap en de wiidweidige boekemerk. It soe best wêze kinne dat jo ek noch wat oanbod hawwe foar ús rommelmerk. Want sûnder “ Rommel” fansels gjin rommelmerk. Dêrom komt de trekker en wein, as de Rondaanbus, op sneon 11 april troch de doarpen. Set efkes in krante foar it rút, dan witte wy dat der handel op ús leit te wachtsjen. Wy binne der fansels tige wiis mei dat de minsken út dizze doarpen ús sa trou stypje mei ynbring fan spul en dat jim it ek wer fan ús keapje. Op dizze wize is der bygelyks genôch jild om hannen om learlingen op in goeie manier les te jaan en dan ek noch op ferantwurde ynstruminten. Yn de wike fan 11 oantemei 16 maaie komme wy dan wer mei de geraniums del. Foarich jier mei dy útsûnderlik betide Peaske rûn alles wat oars as oars, mar dit jier bringe wy de blommen wer tot op it oanrjocht at jo dêr ferlet fan hawwe. Sa earst mar wer en oant sjen op 18 april yn Bitgummole. Els.
|
|
|
|
Nijs fan Brassband Looft den Heer (juni 2009) Tsjongejongejonge, wat wer in geweldige keninginnedei!!! In korps kin muzikale hichtepunten ha, mar om dat mooglik te meitsjen moatte der ek logistyke hichtepunten wêze en foar Looft den Heer lizze dy altyd yn april en maaie. Libbe en Syds (en Sape) al wiken fantefoaren, ja eins it hele jier troch. De leden de wike foarôfgeand oan de rommelmerk, om alles wer op te bouwen, út te pakken en in gaadlik plakje foar alle kostbaarheden te sykjen. Mar dan op de dei sels –en ik ha it dan fansels oer 30 april- al dy frijwilligers dy’t Looft den Heer wer helpe om dat allegear wer oan de man as frou te bringen. Leden, partners fan de leden, famylje fan de leden, heiten en memmen fan de jeugdleden en fan de learlingen, mar ek in bom minsken wêrfan de konneksje mei it korps net sa dúdlik trasearber ( mear) is. Elk stiet klear om ien oere, at de drom minsken nei binnen stoot om harren slach te slaan. Werkenber oan de blauwe Looft den Heer pet wurdt der drok hannele. En elk jier is de opbringst wer ferrassend. Hoe dat kin? No, omdat al dy frijwilligers elk jier wer klear stean en harren ronselje litte troch Libbe en de foarkar jouwe oan foar ús hannel te dwaan boppe in eigen besteding fan keninginnedei. Mar ek troch jimme, de minsken út dizze doarpen, dy mei ús mei garje om de loads wer fol te krijen, mar ek om dy loads wer leech te keapjen en op it terras noch in skoft neiprate oer de bjusterbaarlike oankeapen dy ‘t jimme dien ha. Op dat momint wurde de lêste minsken út de loads reage, it momint fan keapjen is dan sa stadichoan foarby en sommige minsken ha der wolris muoite mei dat it dan ek echt foarby is. In groepke begint it âldizer op te fandeljen want ek dat is jild wurdich, der wurdt noch wat út de restanten fiske foar in goed doel en de rest is dan ek echt Rommel. De boeken wurde yn in grutte doaze bewarre en de loads wurdt oanfage en dan is it tiid foar it terras............De kochte stuollen en banken fan it simmerkaffee ferdwine yn de gemeentewein. De doppen en oar skerp spul wurde opsocht, wy binne ommers te gast op in oar syn hiem dy ‘t ek samar elk jier dy loads en it hiem beskikber stelt oan it korps. Noch in pilske as in gleske fris troch de stoffige kiel en dan wachtsje, thús nei it dûzjen, op it tillefoantsje mei de opbringst. Wy kinne wer in skoft foarút mei it eksploitearen fan de feriening. Ynfestearje yn ark, jeugd en oare minsken om jim der wer muzikaal yn meidiele litte te kinnen. Tige tank oan elk dy’t der oan meidien hat. En doe de geraniums noch. Ek wer tige slagge, sa goed sels dat de blommen earder op wienen as de keapers! Mar nei dit logistyke hichtepunt op nei in muzikale útdaging. Op sneon 13 juny sille wy wer nei Eurobrass yn Drachten . Twa kear al is it ús slagge om earste te wurden yn de C-groep en drie maal is scheepsrecht soe wol heel moai wêze. Foarsitter Klaas Dykstra sil solo blaze op kornet en it grutte wurk is Lake of the Moon , it wurk dat ek op it programma stiet as wy op 11 july meidwaan sille oan it Wereld Muziek Concours yn Kerkrade. Genôch te dwaan dus oant de simmerfakânsje. Op Mooitaki is groep 5 mei it Okkiprojekt dwaande en fan de learlingen dogge der ek in pear eksamen. De oare kear der mear oer.. It jeugdkorps wie twads op it federaasjefestival en Hinke de Groot en Susanne Baayens hienen in priis op it solistenkonkoers!!! Jim kinne fansels ek altyd efkes sjen op www.brassbandlooftdenheer.nl Bydragen en reaksjes binne dêr ek tige wolkom. Oant sjen dan mar wer. Els.
|
|
|