28 augustus 2007: 1e repetitie, bezetting

De eerste repetitie was was weer even wennen voor velen, de lippen nog wat stijf na een verdiende vakantie. Want het vorige seizoen was toch wel bijzonder succesvol, met hoofdprijzen op het NBK en met EuroBrass. 

We zullen proberen om dat niveau te gaan handhaven dit nieuwe seizoen en dat zal nog niet meevallen want u weet het: de top bereiken is zwaar maar in de top blijven is zomogelijk nog zwaarder.

Net als vorig seizoen is de bezetting hier en daar weer wat gewijzigd:

Onze vaste hulp op es-cornet Anne Groothof is eind vorig seizoen nog lid geworden en dus hebben we na lange tijd weer een vaste es-cornet (welkom Anne). De achterste rij is wat anders ingedeeld: Sygrid Mollema en Antine Tamsma zullen samen de repiano partij voor hun rekening nemen, op tweede cornet zitten dan Hiltsje, Maaike en Jeltsje. En op de derde cornet mogen we twee nieuwe jeugdleden begroeten namelijk Hinke de Groot en Joubrich van der Heide (veel succes dames). Deze twee aspiranten zullen bijgestaan worden door Tsjikke Mollema-Rondaan.

De lastige vacature op solo-cornet is aan het begin van het seizoen ook opgevuld door Kornelis Jouwersma die zich had aangemeld als lid.

Ook de vacature op slagwerk is vorig seizoen nog opgevuld door enthousiast oud lid Johannes Sybrandi. Alle nieuwe leden hartelijk welkom en veel muzikaal prezier toegewenst).

Al met al betekent dit dat de vereniging nu weer een volledige bezetting heeft.

Ook bij de jeugd lijkt het tij gekeerd: er zijn weer wat nieuwe jeugdleden bijgekomen en ook is er gestart met een jeugdkorps. Dit alles onder  leiding van Gatse Hijlkema. (lees binnenkort meer op de jeugdpagina).

2 en 3 november 2007: studieweekend

Het studieweekend was dit jaar vrij laat en iets anders van opzet door namelijk de vrijdagavond en de zaterdag de gehele dag gewoon intensief te repeteren zonder hiervoor een locatie zoals een kampeerboerderij op te zoeken en zonder de bijbehorende bonte avond.

Gelukkig was er echter wel een culinair hoogtepunt op de zaterdag door met zijn allen een snertmaaltijd te verorberen (met veel spek, roggebrood en worst). Een verrukkelijke maaltijd waar iedereen weer energie van kreeg om de middag weer fanatiek met het verplichtte werk voor de NBK aan de slag te gaan. (klik hier voor wat snertfoto's) 

23 december: Kerstconcert

Op zondagavond 23 december heeft Brassband Looft den Heer een zeer geslaagd kerstconcert gegeven in een volle kerk in Beetgumermolen.

In de sfeervol aangeklede kerk werd fraaie kerstmuziek met enkele solistische bijdragen ten gehore gebracht door de brassband, afgewisseld met samenzang en optredens van het vernieuwde jeugdkorps, en door onze gasten: het gospelkwartet "Esprit".

Dit laatste viel ook zeker in de smaak bij het talrijke publiek mede door de mooie stemmen en zeer zuiver gezongen a-capella muziek.

Voor een korte fotoreportage klik hier of op de foto.

  Fan Els    

Nijs fan Brassband Looft den Heer (oktober 2007)

Sa as de measte ferienings is Looft den Heer ek wer folop los.. De rippetysjes fan it grutte korps, de lessen fan de learlingen by Gatse Hylkema en de slachwurkers by Reimer Jan Rondaan. Dy learlingen woe ik it earst mar ris even oer hawwe. Troch de fakânsjedrokte wie it noch net neamd, mar yn juny hawwe 7 fan ús jeugdleden eksamen dien en binne ek allegear slagge!!!!! Joubrich van der Heide en Hinke de Groot ha beide “ mei lof” it A-diploma helle. Sûnt de fakânsje spylje sy mei op de achterste rij en dat is dan ek wol te hearen. Dit belooft wat foar de takomst! Antine Tamsma, Hiltsje Kamstra, Renske Fennema, Jeltsje Reijenga en Sygrid Mollema binne foar it B-diploma slagge en ek by Sygrid stie der “mei lof” op har diploma . Ik gean noch even troch mei wat nammen, want nei oanlieding fan it Okkiprojekt binne Jelle Wassenaar, Meinte Miedema Miranda Hoekstra en Rinze Jelte Bruinsma op in blaasynstrumint begonnen op les en Eelke Zwalua, Sander Reitsma en Wietse Hoekstra op slachwurk. Mei de learlingen dy ‘t al foar A dwaande wienen in moaie ploech jeugd dus.

 By it A-korps binne wy begûn mei in protte nije muzyk , om sa wer wat nij repertoire op te bouwen. Foaral foar de nije muzikanten in net “geringe” klus, mar ek de al wat betûftere muzikanten moatte flink oan ’e bak. Fierder binne wy ek al wer úteinset mei it stik foar de NBK, op 30 novimber yn de Martini Plaza yn Grins.It stikhyt Hispaniola en is spesjaal foar dizze gelegenheid skreaun troch de hjir wol bekende Jan de Haan. No noch yn it oefenstadium, mar op 24 novimber is it hjir yn Bitgummole te hearren op ús bekende “Rollade Try-out” Op dy jûn kinne jim ek brassbands belústerje út de oare divyzjes. Wa krekt en de tiden lêze jim noch wol yn  de Doarp en Sport fan Novimber.

 Ik woe jim ek alfêst attint meitsje op ús Krystkonsert. Op snein 23 desimber wolle wy jûns yn de tsjerke fan Bitgummole in konsert hâlde mei krystmuzyk spile troch de brassband en derby in sjonggroep wer ‘t wy noch mei yn oerlis binne. Wy ha der sels oe sa ‘n sin oan om yn dizze sfearfolle perioade ek ris in konsert te jaan. Fansels hoopje wy dat jim manmachtich komme te lústerjen.

 Fierder noch de gewoane dingen, d.w.s. Rommel foar de rommelmerk en jim izerark kinne jim ek kwyt by Looft den Heer. Mear witte hjiroer, skilje dan mei Libbe (2531705) 

Els.

Nijs fan Brassband Looft den Heer (november 2007)

Yn dit novimbernûmer mar wer efkes byprate oer ús bezichheden. Wat dogge wy op dit momint? No, wy binne drok dwaande mei de tariedings op it NBK, dat op 30 novimber (foar ús) en op 1 desimber (foar de oare divyzjes) holden wurdt yn de Martini Plaza yn Grins. Elk jier wer dogge wy ús bêst om yn in oanvaardber skoftke tiid in stik muzyk tot yn detail spyljen te learen, om dat yn in pear minuten op dy NBK der yn Grins hearre te litten. In mins liket wol gek. Sa `n ynspanning foar sa`n pear minuten!!! Mar it fielt geweldich om mei-elkoar de noazen allegear deselde kant út te krijen en elk op syn as har heechste kinnen it stik út te fieren ûnder lieding fan in dirigint dy`t ús deryn it paad wiist. Fierder is it by dit evenemint it feest der herkenning om oare muzikanten te moetsjen en om te sjen dat dat ek al telt foar de jeugdige muzikanten. Ien kear yn it jier dizze prestaasje leverje. Leafst mei in protte punten en in hege waardering, mar foaral  foar dat gefoel dat men it mei-elkoar dien hat yn dy wiken fan tarieding en dat men tefreden oer it spyljen fan it poadium komt, om de moaie muzyk dy `t der makke is, los fan wat in sjuery der fan tinkt. Dêrom binne wy dus sa “gek”. Mar sa wolle en kinne wy net in heel jier dwaande wêze. Want wat is it ek geweldich om in moai konsert te fersoargjen en in feestlike tsjerketsjinst binnen as bûten. De kommende wiken kinne jim ús op meardere wizen belústerje. Op 24 novimber om 20.00 oere yn de tsjerke fan Bitgummole op de NBK wize. Wy ha dan ús bekende “Rollade Try-out. Bûten Looft den Heer ( tredde divyzje) spilet ek “ Blaast de Bazuin- Alde en Nije Biltdyk” (fierde divyzje), “de Bazuin B- Oentsjerk” (twadde divyzje)  en “de Bazuin A –Oentsjerk” (kampioensdivyzje). De tagong is fergees mar wol in ponkje.

Op 23 desimber gjin konkoers, mar in  moai krystkonsert mei sfearfolle muzyk, ôfwiksele mei de sjonggroep “Esprit” en ús eigen jeugd. Ek dit konsert begint om 20.00 oere yn de tsjerke fan Bitgummole en ek dan is de tagong fergees.

Fierder is it ek noch wol aardich om te fertellen dat de priis dy `t wy yn juny by Eurobrass wûn ha bestiet út in rippetysje en in optreden op in konsert mei in solist dy `t ûnder kontrakt stiet by Yamaha. Wy ha in list krigen mei nammen fan in tal net ûnaardige bekendheden, wer at wy in kar út meitsje meie om dermei in konsert te fersoargjen. At wy mear witte, litte wy dat jim hearre fansels, sadat jim dat ek meimeitsje kinne.

Els

Nijs fan Brassband Looft den Heer (december 2007)

Ik hoop dat at jim dit lêze it troch de doarpen gûnzet: Wat ha se moai spile op it NBK! Want as ik dit skriuw, moat it noch heve. Wy binne der klear foar om dit moaie stik muzyk mei oertsjoeging út te fieren en as de sjuery dat ek noch posityf beleanet soe it hielendal in boppeslach wêze, mar dat bliuwt altyd ôfwachtsjen dus.

Tuskentroch binne wy al dwaande mei de krystmuzyk. Op sneintejûn 22 desimber sille wy yn de PKN tsjerke fan Bitgummole in krystkonsert fersoargje. De oanklaaikommisje hat it der al drok mei, want wy wolle jim ek yn in sfearfolle entûraazje ûntfange. Dirigint en muzykkommisje ha moai rippertwaar útsocht, it jeugdkorps dat al in skoftke aktyf is sil harren hearre litte en jim meie sels ek noch in pear dingen meidwaan, want sels minsken dy’t (hast) noait sjonge , wolle mei kryst harren soms wol minge yn it sjongen fan fertroude krystmelodyen.

Fierder sil it gospelkwartet “Esprit” meiwurkje oan dit konsert. Neffens de ynformaasje fan dit kwartet is dit in unike gelegenheid, want nei de kryst hâlde sy der mei op. Jim ha fest wol ris heard fan it famyljekoar “Krol-Wind”. Yn de njoggentiger jierren aktyf mei sjongen. Dizze fjouwer minsken – Douwe Krol, Jan Wind, Gea Krol en Hieke Krol- binne fierder gien doe ’t it beswierlik waard om de hele famylje sjongend byinoar te hâlden. Nei 15 jier beginne dizze fjouwer it ek dreech te finen om skerp te bliuwen en foar minder wolle  sy it net dwaan, der moat kwaliteit levere wurde! Derom yn harren ynformaasje de kreet:”Op de valreep”.

Dizze jûn begint om 20.00 oere en sa as ek by ús oare konserten is de tagong fergees.

Oan de ein fan dit jier sille wy doar oan doar ynformaasje  ferspriede oer ús feriening en yn it begin fan 2008 hoopje wy jim thús te treffen mei de fraach at jim miskyn ek donateur wurde wolle. In protte minsken geniete fan ús muzyk op konserten, yn in tsjerketsjinst as  wurdearje it dat wy op keninginnedei en mei it doarpsfeest troch de doarpen komme. Looft den Heer soe graach wolle dat wy de bân mei dy minsken wat oanhelje kinne. Dus sjoch wat der op de doarmatte falt. 

Fierder kinne jim fansels altyd “rommel” kwyt, belje eventueel mei Libbe (2531705) en Looft den Heer hat ek in âldizerbak. Foarearst oan’ t sjen op 22 desimber, noflike krystdagen tawinske en in sûn en muzikaal 2008!                                           

    Els.

Nijs fan Brassband Looft den Heer (januari 2008)

Earst mar ris de beste winsken foar 2008. Alle minsken fan brassband Looft den Heer winskje jim in sûn, fleurich en muzikaal jier ta.

By it meitsjen fan sa ’n stikje moat it altyd efkes wenne dat der wat tiid tusken it skriuwen  en de publikaasje derfan sit. Us krystkonsert moat noch plakfine en de NBK liket al wer in hiel skoft lyn, mar wy hawwe it der hjir noch net oer hân. Dat moat earst mar efkes. Goed op tiid nei Grins ta, moai yn ‘e  midden lotte en wy hawwe der sin oan en binne der klear foar. En sa ha wy ek spile. In goed gefoel doe ’t wy klear wienen. Wy ha de minsken boeiende muzyk bean en de rest sykje se mar út. Ek de reaksjes nei dat wy spile hienen wienen posityf. De minsken fûnen it moai en it hie harren wat dien en der dogge wy it foar. At dat dan ek noch in moai tredde plak oplevert mei likefolle punten as de oerwinning yn 2006 dan kin men wol tefreden wêze. Thús Sinteklaazje en dan it kryst rippertwaar derop. 

Al jierren praat oer ris in krystkonsert en dit jier sil it heve. Mar foar dizze sneintejûn de 23-ste  (flaterke fan mysels yn de foarige Doarp en Sport) is der ek al in protte krystmuzyk makke. Joubrich  van der Heide, Suzanne Bayens, Siegrid Reitsma en Anne de Groot hawwe de bern en de heiten en memmen fan Mooitaki begelaat by it sjongen op skoalle en in groep muzikanten hawwe krystcarols blaasd tidens de Pelgrimstocht yn Marsum. Stil en wyt op wei nei it ljocht en sels ek ljochtsdragers troch de donkerte. Yn it hofke ûnder de poarte meidwaan oan dat sfearfol barren. Dan noch twa muzikanten (Klaas en Jeltsje) spylje by de krystSJONGjûn en noch wer oare minsken op twadde krystdei by de fiering.

Wat in aardige reaksjes op ús “flyer” dy ’t hûs oan hûs by jim brocht is! Wy hoopje dat jim yn de mannichte fan aktiviteiten ek op ús konsert west binne. Wy ha ús bêst dien om jim in moaie jûn te bieden. Yn de earste wiken  fan jannewaris komme wy by jim del om jim in goed jier ta te winskjen, mar ek om te freegjen at jim ek donateur fan ús feriening wurde wolle om sa oan te jaan dat wy der foar it doarp binne en dat jim der foar ús binne.

De plannen foar it kommende jier bewarje ik foar febrewaris. Rommel en âld izer giet fansels it hiele jier troch.

Op 23 jannewaris is der in foarspyljûn fan de jeugdleden op blaas ynstrumint en slachwurk yn de Molewjuk. Oan ´t sjen mar wer yn 2008!                                           

  Els.

Nijs fan Brassband Looft den Heer (maart 2008)

De tiid hâldt gjin skoft is seker yn dizze kontreien in bekende kreet,  mar hielendal no ‘t dit jier de Peaske sa útsûnderlik betiid falt  ( en dertroch fansels ek de oare feestdagen) liket de simmerfakânsje no al in bytsje yn ‘t sicht. Wat is der noch te beleven foar en mei Looft den Heer yn de kommende tiid? No foarearst de foarspyljûn fan ús jeugd. Op 12 maart sille de learlingen fan ús feriening allegear wat spylje yn de Molewjuk. Meester Gatse is al drok dwaande mei harren om wat geskikts út te sykjen en yn te studearen. Fansels dogge de slachwurkjonges mei meester Reimer Jan ek mei en ek noch de hele klup mei-inoar as jeugdkorps fan Looft den Heer, oanfold mei wat minsken yn hun twadde jeugd as earne dertuskenyn. Yn wike 10 begint op Mooitaki wer it Okkiprojekt, ek mei Gatse Hylkema en bestimd foar alle bern fan groep 5. Foarich jier in sukses en flink wat nije en enthousiaste bern op koper en slachwurk!

Op 28 febrewaris sil it grutte korps blaze yn it MCL. In aardich programma om de minsken der wat te ferdivedearen. We binne dan ek al dwaande om ús ta te rieden op it Maaitiidskonsert. Dat sil plakfine op 12 april in de PKN tsjerke yn Bitgummole. Hâld de jûn mar fest frij, al sil yn it aprilnûmer noch wol wat ynformaasje folgje. Mei Pinkster in tsjerketsjinst by it Poptaslot en dan op 14 juny nei Eurobrass om de titel fan 2007 te ferdedigjen. Dat is ‘t sa ‘n bytsje wat de blazerij oanbelanget,útsein fansels de optocht op keninginnedei. Hoe ‘t dat krekt regele wurde sil troch de Maaiebeam is noch net hielendal helder at ik dit skriuw, want ús eigen drumband is ommers “ter ziele” en foar elk korps falt keninginnedei op deselde dei mei deselde ferplichtings. Middeis hâlde wy wer ús bjusterbaarlike gesellige net te evenaren ROMMELMERK, om 13.00 oere yn de loads by Tsjisse oan de Liuwesingel. Wa ‘t noch “rommel” hat kin dat noch kwyt fia ús spesjalist Libbe (2531705) en wy komme ek noch in kear troch de doarpen mei trekker en wein.

Omdat alle feestdagen sa betiid falle ( op 1 maaie is it al Himelfeartsdei en blomkemerke!) en it twa wiken maaiefakânsje is, wolle wy dit jier de geraniums op de rommelmerk ferkeapje. In ekstra reden dus om te kommen. Dat betsjut dat wy NET by de doarren lâns komme. Ha jo der problemen mei om dêr te kommen, dan kinne jo fan te foaren by Libbe opjaan hokker geraniums jo graach hawwe wolle (steanders as hingers en de kleur bygelyks) dan wurde sy yn dyselde snuorje by jo thús brocht

En dan fansels noch efkes oer de donateursaksje! Geweldich hoe ‘n protte minsken oanjûn ha dat sy troch middels ûndersteuning harren belutsen fiele by dit muzikale doarpsferskynsel. Freonlike tasizzingen oan de muzikanten dy ‘t by de doarren lâns west ha. No kin ‘t sa wêze dat ondanks enthousiaste pogingen de werver en de stiper mekoar  net troffen ha oan de doar , as wannear men syn as har donateursbedrach noch feroarje wol, dan kin dat fia it mailadres op de webside www.brassbandlooftdenheer.nl , as fia de tillefoan fan de skathâlder: Ytzen Jenne de Haan: 0517-850579. Tige tank foar jim tasizzingen, it jout ús it gefoel dat it korps droegen wurd troch de minsken yn de doarpen! It wyte skerm is al wer aardich fold mei nijs.

Oan ‘t sjen en yn april mar wer efkes buorkje.              

                                   Els            

Nijs fan Brassband Looft den Heer (april 2008)

Op sneon 12 april is it tiid foar us maaitiidskonsert. Wy binne al wer drok dwaande om in aardich programma yn te studearjen, mei in ferskaat oan moaie muzyk. Foar elk moat der wol wat aardichs by sitte om nei te lústerjen en fansels sille der ek wer solisten út eigen fermidden te hearen wêze. Dit konsert fynt plak yn de PKN tsjerke fan Bitgummole en begint om 20.00 oere. Sa ‘t jim dat fan ús wend binne meie jim der fergees yn, dat de priis hoeft jim net te kearen. Op dizze jûn sil de jeugd fan Looft den Heer ek in bijdrage leverje ûnder de ynspirearjende lieding fan Gatse Hijlkema. It grutte korps treedt fansels op mei Paulus de Jong derfoar. De jeugd wie ek al te hearen op woansdei 19 maart. Doe hienen sy in foarspyljûn foar heiten en memmen en pakes en beppes. Gewoan efkes heare litte wer ‘t sy op les mei dwaande binne. In geweldich aardige jûn yn in fol speklokaal!!Fan dy jeugd hawwe Hinke de Groot en Joubrich vd Heide ek mei dien oan it solistekonkoers fan de Fryske bûn. Der stean sy dan op in betide sneontemoarn op in grut poadium mei in pianiste dy ‘t foar de begelieding soarget. By foarbaat petsje ôf om dat te dwaan. De sjuery  hie der 72 en 84 punten foar oer. Lokwinske dames!!!

Wolkom binne jim fansels ek op us bjusterbaarlike ROMMELMERK. Gewoan op 30 april middeis om 13.00 oere yn en by de loads fan Tsjisse oan de Liuwesingel. Moarns binne wy dan troch de doarpen west mei de optocht. Bûten de wenstige dingen sa as Keunst, Kitsch, Draaiend Rad, Ferkeap by opbod en It Terras, kinne jim dit jier ek jim GERANIUMS keapje op de rommelmerk. Omdat de blomkesmerk dit jier al op 1 maaie is, like it us wol goed om op 30 april alfêst de geraniums oan te bieden. Is it beswierlik om der te kommen, as ha jo spesjale winsken omtrint hingjend, steand as kleur,dan kinne jo ek yn ‘t foar blommen by Libbe bestelle. Dy wurde dan yn deselde snuorje by jo thús besoarge. Libbe syn nûmer is 2531705.Op 30 april bestelle kin ek noch.

Foar rommel kinne jo der ek terjochte, mar op 19 april,op de middei, komt de trekker en wein ek troch de doarpen om noch ferkeapbere rommel op te heljen. Minsken kinne  witte litte dat sy wat meijaan wolle troch in krante sichtber foar it rút te setten.

In wat praktysk stikje dizze kear, mar hoe dan ek WOLKOM op 12 april foar moaie muzyk en in gesellige “ Apres-Ski “ nei ôfrin fan it konsert en oars sjogge wy jim wol op keninginnedei.

Els.              

Nijs fan Brassband Looft den Heer (juni 2008)

It moaie waar docht ús al oan de simmerfakânsje tinken, mar de toeters kinne noch net yn `e rêst en dus de muzikanten ek noch net. Der is noch folop aksje plend op diverse fronten. Mar earst mar efkes werom sjen. It tige slagge maitiidskonsert mei in protte publyk, wêrûnder ek in fiks oantal nije donateurs, yn in sfearfol oanklaaide tsjerke. Muzikanten en ek in tal oare enthousiastelingen binne al gau dernei úteinset mei it klearsetten fan de Rommelmerk. Elk jier wer in hyl krewei , mar at elk der ris wat oerkes oan spendeart komt it ek wol wer klear. We hawwe it mar net oer de “oerkes” fan Libbe en Syds, want sûnder dy mannen binne wy nergens!! Elk jier wer is it in strakke aksje om mei in krante foar it  rút  by de rommel ophelronde oan te jaan at men ek wat foar Looft den Heer klear stean hat. Mar wat docht no ús grutte buurtsuper “ de Poiesz” , yn itselde wykein in aksje mei in krante foar it rút. Hoe dan ek , it hat him rêden en der wie wer folop keuze op 30 april. Keningin  Beatrix siet sa strak yn `t skema dat sy net efkes in útstapke nei Bitgum dwaan koe, mar oan it publyk hat it net lein. Wy binne wer tige tefreden mei de opbringst fan dizze Rommelmerk  Jim kommen en keapjen ( en oandragen fan “ rommel” ) makket  it ús mooglik om sa as feriening ús dingen te dwaan en it ek wer mei jim as doarpsbewenners te dielen, mar ek te ynfestearen yn de jeugd fan dizze doarpen. Mei-elkoar, foar elkoar!!

Der binne ek noch wol aardich geraniums ferkocht en der by lâns sutele, mar takommende jier sille wy wer besykje it op de wenstige wize te dwaan, de kâns op wer sa ` n betide Peaske en sa fuort hinne is minimaal. Wat ik noch wol spesjaal efkes sizze wol is dat wy elk jier wer fersteld steane fan al dy frijwilligers dy samar in grut part fan harren frije keninginnedei beskikber stelle oan it korps. As ferkeaper,  as moarns as meubelsjouwers, oprommer oan de ein fan de dei, as op hokker oare wize, sûnder jim kin it net slagje en dêrom TIGE, TIGE TANK derfoar. Dat jildt fansels ek foar Tsjisse, dy `t al dagen tefoaren de loads rom makket en elk jier wer ta beskikking stelt oan it korps!!!Fierder noch in “ hagepreek” mei geweldich waar Pinkstersnein by it Poptaslot. 

En wat stiet der dan no noch op it programma? No, foarich jier waard Looft den Heer kampioen op Eurobrass yn de C-groep. En  ek al falt Eurobrass dit jier op de dei fan de Slachtemarathon, Looft den Heer wol wol graach de titel ferdigenje. Dêrom ferfangers socht foar de fanatike rinners en hurd oan it wurk mei in nij programma. Troch de grutte belangstelling foar dit evenemint is de spyltiid ynklusyf opkommen en ôfgean werom brocht oant 25 minuten. It programma bestiet út de mars” the Cossack” , Images for brass fan Bulla   en in duet foar euphonium, cornet en brassband, wêryn Bauke Dykstra en Welmoed Veening ( earst Kemker) de solisten binne. 

Fierder hawwe jim clown “ Okki”miskyn wol ris yn de buert fan Mooitaki rinnen sjoen. Dy is drok dwaande mei de bern fan groep 5. Op 28 maaie ûnder skoaltiid, sille sy heare litte wat Okki harren behalve enthousiasme bybrocht hat. Op de jiergearkomste mei BBQ foar de leden fan Looft den Heer nei, sit it der dan echt op. O ja, ha jim ús nije blauwe jaskes ek opmurken op Keninginnedei mei Harmony op de karre en yn Ingelum by de kollekte foar it Anjerfûns? Oant sjen mar wer, yn Drachten by Eurobrass, ûnderweis by de slachte, yn maaie op Mooitaki,op de iepen dei by de fa. Wassenaar, as yn it nije seizoen by ús konsert yn oktober mei solist Frits Damrow.

 Els