6 september 2011: 1e repetitie, bezetting

In navolging van de late schoolvakanties begonnen we pas op 6 september met onze eerste repetitie. 

De bezetting is hier en daar weer gewijzigd om diverse redenen: 

Bij de alten is Sygrid Mollema meteen doorgestoten van de 2e althoorn naar de solo althoorn, Els Brunia speelt nu de 1e hoornpartij en Jettie en Trynke zullen samen de 2e hoornpartij bespelen. Helaas is Joubrich van der Heide gestopt met spelen en daardoor komt de repiano cornet vrij. 

Het komt dan ook goed uit dat Haye Rondaan heeft besloten om na een aantal jaren terug te keren als herintreder en dat kan nu mooi op de repianocornet. Welkom terug Haye.

Froukje Richt heeft in verband met een beugel vorig seizoen al tijdelijk de verantwoordelijke bugelpartij verlaten om op de achterste rij voorzichtig nog mee te kunnen spelen als 3e cornet. De bugelpartij werd vorig jaar zolang verzorgd door Marianne van der Heide (nog bedankt Marianne), dit jaar start Esther de Jong (de vrouw van Paulus) op de bugel. Fijn dat het op deze manier kan, veel plezier Esther.

Gelukkig is ook Jeltsje Reiijenga weer terug op de 2e cornet na een jaar sabattical. 

Maaike heeft even geen puf meer om te spelen want ze verwacht (samen met Jan) een kleine cornetspeler(-ster). Siegrid Reitsma daarentegen komt vanuit het jeugdkorps nu de 3e cornet versterken. Veel succes Siegrid. 

We zijn nu begonnen met het programma in te studeren voor ons herfstconcert en af en toe hebben we even het verplichte werk voor de NBK op de lessenaar staan. 

  Fan Els    

Nijs fan Brassband Looft den Heer (oktober 2011)

Lyk as de measte ferienings is Looft den Heer ek wer oan in nij seizoen begûn. De learlingen binne ynroastere en de earste repetysjes binne al wer west. Hyl koart noch in weromblik op it slotkonsert tegearre mei it sjongkoar Halleluja . Wat seach alles der moai út en wat klonk it goed en wat wiene der in protte minsken te lústerjen! In bysûndere jûn mei moaie muzyk. At jim der noch wat fan werom hearre wolle dan kin dat  fia de site fan de brassband  www.brassbandlooftdenheer.nl .  Al moatte jim dan fansels wol de beleving fan it momint misse. 

Ha jim jim nocht noch net fan brassband muzyk, kom dan op 15 oktober nei de tsjerke fan Bitgummole. Dêr sil al wer it folgende konsert plakfine , dizze kear mei it tema RADIO&TV. Werkenbere melodyen mei ek werkenbere bylden. It konsert begint om 20.00 oere en krekt as altyd meie jim der fergees yn. (en is der in ponkje by it útgean)

De oare kear wurde jim wer hielendal bypraten oer de feriening, mar no moat it sa genôch wêze. Groetnis en oant 15 oktober yn de PKN-tsjerke fan Bitgummole.      

  Els.       

Nijs fan Brassband Looft den Heer (november 2011)

Minsken, minsken, wat wie it in moaie jûn op de 15-de oktober. In moai fulde tsjerke dy troch de oanklaaikommisje sfearfol ynrjochte wie en wat noch fersterke waard troch de  mannen fan it ljocht. De bylden op it skerm brochten elk yn de goeie sfear en foar ús wie it noflik muzyk meitsjen foar dit publyk. By elk konsert stean ik der sels wer fersteld fan hoe‘t ús jeugd sa ‘n aardich en muzikaal programma bringt. Spitigernôch ha in tal talintfolle muzikantsjes doch in oare kar makke foar harren frije tiid, mar de oaren spylje gelokkich enthousiast fierder!

Middeis wie der al in koarte foarrepetysje west en hat it grutte korps mei-inoar in lekker buffet iten yn it speklokaal yn de Molewjuk. 2010 wie in jubileumjier foar Looft den Heer (foarich jier is it der troch diverse redenenen net fan kaam)en by sa’n jier hearre huldigingen. Soms fynt soks plak tidens in konsert, mar omdat der wol 12 jubilarissen wienen ( en dan telle wy de muzikanten fan 12½ jier net iens mei!) ha wy dit yn besletten romte dien. Want by sa’n jubileum heart in spjeldsje en in ferhaaltsje. It bestjoer hie ûnderling de jubilarissen en dus ek de ferhaaltsjes wat ferdield en it wie moai om te sjen en te hearren hoe’t elk him op syn as har eigen wize der mei rêde. Komplimint! Ek no wie wer te sjen dat in feriening út mear bestiet as sa folle mooglik punten byelkoar te blazen! Mar wa wienen dat no allegear. 

Foar 25 jier muzikant wêze by in feriening: Sietzeklaas Lok, Klaas Jan Agema, Bauke Dijkstra, Hans en Klaas Dijkstra , Jettie Dijkstra-de Jager en Ruurd Mollema (krijt it spjeldsje noch want hy moast fuort foar de baas)

40 jier muzikant: Jurjen Zwalua, Germ Brunia en Els Brunia-Groenewoud en mear as 50 jier muzikant: Syds Rondaan en Libbe Dijkstra. Miskyn hie ús korps wol de primeur fan de nije spjeldsjes fan it nije ferienige Frysk Bûn fan korpsen. In moai pompebledsje!

En dan no foarút. Op 2 desimber is it wer sa fier. Dan giet it wol wer om de punten by it NBK yn de Martini Plaza yn Grins. We binne al wer fanatyk dwaande mei it stik Sinfonietta no. 1 fan Johan de Meij. Nij skreaun foar dit evenemint en ek de tredde divyzje by de Switserske kampioenskippen moat gear oer dit stik. Fansels binne jim tige benijd hoe dit klinke sil en miskyn wolle jim ek wol witte wat der yn de oare divyzjes bart. At jim op 26 novimber nei de PKN-tsjerke yn Bitgummole komme kinne jim fan in oantal divyzjes it ferplichte stik hearre.

Blaast de Bazuin Alde en Nije Bildtdyk (4), Looft den Heer Bitgummole en Apollo Grou(3), De Bazuin-B Oentsjerk(2) en De Bazuin-A Oentsjerk(kampioensdivyzje)    Dizze Try-out begint om 19.30 oere en de tagong is al wer fergees. Der is wol in ponkje by it útgean en by it lêste konsert wie de opbringst wer geweldich! Tige tank derfoar!

Ik wol noch even werom komme op de jeugd. Wy ha op dit momint sa’n slachwurkers yn oplieding, dat Gatse Hylkema in spesjale slachwurkgroep oan it wurk hat sadat sy ek oan harren trekken komme. Om beurten slaan sy ek mei it jeugdkorps mei. By in folgjend konsert sille jim der beslist mear fan hearre. Earst mar wer oant sjen op 26 novimber.

                                                                                                                                                      Els.

Nijs fan Brassband Looft den Heer (januari 2012)

En at men it allinnich mar foar de punten docht, dan hoeft men der net iens oan te beginnen. Dizze útspraak soe goed op de NBK fan tapassing wêze kinne. At in band allinnich wat prestearre hawwe soe at sy earst wurde, wat moatte al dy oare bands dan dy’t ek meidogge?

Nee, it stekt oars yn elkoar. Looft den Heer is nei it hjerstkonsert fol fjoer úteinset mei it stik foar de NBK. Wy troffen it mei it stik, want spesjaal it middendiel joech gelegenheid ta muzyk meitsjen en dat ha wy mei-elkoar dien! Neffens de Ljouwerter Krante hie dat ek in poadiumplak opleverje moatten, mar dat wie net it gefal. Op 2 desimber luts Libbe it lotsje mei nûmer ien. Dat is net de lotting foar de útslach fansels, mar de folchoarder om te blazen.

Gau ferklaaie en ynblaze en doe muzyk meitsje op it poadium. Dat slagge tige by tige en wy kamen bliid fan it poadium. De sjuery sit sa'n dei yn in soart fan tinte sadat se net sjen kinne wa’t der oan it blazen is. Mar ja, foar harren is it stik nij en miskyn ha se wol tocht: Wa wit komt der noch in band dy’t noch moaier blaze kin dus earst mar foarsichtich mei de punten.

Spitich dat sy oan oare bands de foarkar joegen, mar wy wisten dat it hiele skoft fan tarieding tefreden muzikanten en in tefreden dirigint oplevere hat. Fan elke divyzje is der mar ien band de winner en al dy oaren gean der takommende jier wer like plat foar om te winnen. Nieuwe kansen, nieuwe prijzen. Boppedat levert Looft den Heer dat elk jier wer mei eigen minsken en sitte wy no wer mei dyselde ploech foar de kryst en de federaasje te blazen. 

Ek de jeugd hat syn part levere by de federaasje op 10 desimber. It jeugdkorps en ek de slachwurkgroep. Wy binne yn de gelokkige omstandigheden dat der sa’n protte slachwurkers yn oplieding binne, dat sy in eigen slachwurkgroep ha û. l. f. Gatse Hylkema. 

Sa dat wie efkes werombuorkje, mar no de noas foarút it nije jier yn. Dêrom earst mar de alderbêste winsken foar it nije jier. Dat jim fleurich en sûn, mei muzyk en wille, yn it nije jier stean meie. Wy fan Looft den Heer hoopje der ek ta bydrage te kinnen troch ús muzyk yn blide en minder blide tiden en oars troch dizze stikjes wêryn jim yn de gelegenheid binne om ús wederfaren wat te folgjen . Wy binne bliid dat wy it hele jier troch, droegen wurde troch de mienskip wêr’t wy yn funksjonearje. Wy foar jim en jim foar ús! Fol goeie moed it nije jier wer yn! En net tinke wa sitte dêr no te blazen, want wy binne wat mei de unifoarms oan ’t  sleuteljen.

   Els.